Елімізде әлі де карантин тәртібі сақталып, жұқпалы індет қаупі сейіле қоймағандықтан, Қазақстан халқына Қадір түнін үйде қарсы алу кеңес етілуде деп хабарлайды QazPulse тілшісі.
Қазақстан мұсылмандары діни басқармасының төрағасы, Бас мүфти Наурызбай қажы Тағанұлы төтенше жағдай мерзімі аяқталғаннан кейін құлшылық үйіне келуші азаматтарға бірқатар талаптардың сақталатынын ескертті. Осы орайда, ол, қасиетті түнді үйде өткізуге шақырды.
«Биылғы Рамазанның қасиетті Қадір кеші мамыр айының 19-ынан 20-сына қараған түнге сәйкес келіп отыр. 19 мамырда мешіт таңғы сағат 7:00 мен кешкі 20:00 аралығында жұмыс істейді. Осы ретте баршаңызды Қадір кешін өз үйлеріңізде өткізуге шақырамын. Тәртіпке бағынуды сұраймыз. Бұл – сіз бен біздің, өз отбасымыз бен ең жақын туыстарымыздың денсаулығы мен өмірінің игілігі үшін қабылданған шара», – деп атап өтті Бас мүфти.
Бұл ретте Діни басқармаға қарасты «Хикмет тв» студиясы көптеген онлайн қосылулар, уағыздар мен дәрісер ұйымдастыруда. Мәселен Бас мүфиден бастап мешіт ұстаздарына дейін белгілі журналист Еркін Шәкірұлымен тікелей эфирге шығатыны күтілуде. Сондай-ақ, онлайн байланыс арқылы жаппай Түркістан облысында су тасқынынан зардап шеккен ағайынға дұға жасау ұсынылуда.
Жалпы қазірдің өзінде ғаламторға мың айдан да қайырлы Қадір түні жайлы пайдалы бейнороликтер салынған:
