Айнұр Тұрсынбаева оттегі құрылғысының санын 1000-ға жеткізді

Белгілі айтыскер ақын, әлеуметтік желіде қалың оқырманы бар Айнұр Тұрсынбаева Түркиядан Қазақстанға жеткізілетін 1000 өкпені жасанды желдету құрылғысына қаржы толық жиналғанын мәлімдеді деп хабарлайды QazPulse тілшісі. Ал бұл медициналық құралдың еліміздегі коронавирус дертіне шалдыққандарға аса тапшы болып тұрғаны белгілі.

Осы орайда, ол, игілікті істе қолдаушы халыққа, жанашыр азаматтарға алғысын білдірді.

«Өз қалтамнан төлеп жатқаным 10 аппарат қана. Қалғанын халық жинады. Айтпақшы, әншілер қауымы 50 шақты аппараттың ақшасын аударды. Қазір той жоқ, концерт жоқ кішкене қиналып тұрмыз, әйтпесе одан да көп жинайтын едік деп жатыр. Алла разы болсын!», – деп қуанышымен бөліскен қоғам қайраткері ақша жинау осымен тоқтатылатынын ескертті.

 

Посмотреть эту публикацию в Instagram

 

1000 АППАРАТ! СЫЙ ҚЫЛСАҚ СЫПЫРА ҚЫЛАЙЫҚ ДЕП,МЫҢДАҒАН ТАҒДЫРДЫ АМАН САҚТАП ҚАЛУҒА ҚЫЗМЕТ ҚЫЛАТЫН АППАРАТТАРДЫҢ САНЫН 1000-ҒА ЖЕТКІЗДІК! Қайта-қайта жазып берекетті алды-ау демеңіздерші.. Лайым, жақсы жаңалықтар көп болғаны жақсы ғой… Азаннан бері жиналған ақшаны шамалап ертеңге дейін аппараттарды 1000-ға жеткізетінімізді айта салайын дедім.. Содан кейін өтінішім, мені мақтап пост салмасаңыздар екен.. Себебі өз қалтамнан төлеп жатқаным 10 аппарат қана.. Қалғанын халық жинады.. Айтпақшы, әншілер қауымы 50 шақты апараттың ақшасын аударды.. Қазір той жоқ, концерт жоқ кішкене қиналып тұрмыз, әйтпесе одан да көп жинайтын едік деп жатыр..Алла разы болсын..Кешеден бері сұқбат сұрап жатқан журналистерге де үлкен рахмет, бірақ шынымен шаршап қалдық, шама болмай тұр.. Телефон шырылдаса миым шашылып кете жаздайды қазір..Түсіністікпен қарасаңыздар екен… Жалпы жарнама үшін жақсылық жасаудан Алла сақтасын! Тек қана бәріміз жұмылайық деген мақсатта ғана айтып жатырмын.. Ақшаны халық жинаған соң халықтың алдында есеп беруге тиіспін ғой… Осынша тірлікті жасап жатқан ұл-қыздарыңызға сіздерден мейірім мен махаббат қана керек.. Тілеуімізді тілеп дұға жасап қойыңыздар.. Әлбетте бізге тілеген батаның қайырымы балаларыңызға жұғысты болады.. Жақсы сөйлейік, болмаса үндемейік..Дүниені сұлулық құтқармайды, мейірім құтқарады! Мейірімді болайықшы.. Өтініш! @aidyn_nury_qory @dauletten_qory @dinarasatzhan «AidynNury” ҚАЙЫРЫМДЫЛЫҚ ҚОРЫНЫҢ РЕКВИЗИТТЕРІ: ⠀ Жеке тұлғалар үшін: 🔹ФОРТЕБАНК: 4272 7482 1023 8108 Tolganay Baktygali 🔹Kaspi Gold: 5169 4971 1877 3666 Каспи терминал: 940 217 450 177 Толғанай Бақтығалиқызы 🔹СБЕРБАНК: 5392 1500 0571 2755 Tolganay Baktygali ⠀ Заңды тұлғалар үшін: ЧФ «Благотворительный фонд AidynNury» БИН 200140019779 АО «Kaspi Bank» ИИК KZ64722S000003247705KZT КБе – 18 БИК CASPKZKA

Публикация от Айнұр Тұрсынбаева (@aidyn_nury) 12 Июл 2020 в 7:09 PDT

Бұған дейін тиісті оттегі қондырғыларын елге әкелуде қиындық туындауда екені айтылып, Мемлекет басшысының құлағына жеткен соң дереу шешімін тапқан болатын. Ал, Түркияда қазақ диаспорасының өкілдері қол ұшын созып, бауырлас елден ресми көмек те жөнелтіліп үлгерді.

«Бізде Түркияны түбімен сатып ала алатын байлар көп емес пе?! Қырғызстан 1 күнде 800 аппарат сатып алып кетіпті! Өзбекстан күніне бәлен жүз сатып алып жатыр екен. Қазақстаннан аппарат сатып алып жатқан мен бірінші адам екенмін. Мұның бәрін өткізудің өзі бір ақырет екен, әрі қып-қызыл ақша! Тіпті ақшаң болса да аппарат алып өте алмайсың», – деп жазған еді айтыскер ақын өткен жазбаларында.

Еске сала кетсек, қаралы күн деп жарияланған 13 шілдедегі дерек бойынша Қазақстанда COVID-2019 сырқатына шалдыққандардың жалпы саны 60 мыңға жуықтаса, оның жартысынан астамы жазылып, өкінішке қарай 375 адам көз жұмды. Өкпе қабынуынан дүние салғандардың қатары күрт көбейді.