Ағымдағы жылдың 6 шілдесінде Нұр-Сұлтан қаласына Ресей Төтенше жағдай министрлігінің арнайы рейсімен РФ денсаулық сақтау министрінің орынбасары Олег Гриднев бастаған бір топ дәрігер келді.
32 адамнан тұратын топқа эпидемиолог, вирусолог және басқа да бейінді бағыттардағы мамандар кіреді деп хабарлайды QazPulse тілшісі Сыртқы істер министрлігіне сілтеме жасап. Олар елорданың медициналық ұйымдарынан бөлек, ахуал күрделі өңірлерге де жіберілуді мүмкін.
Көрші ел мамандары қазақстандық дәрігерлерге коронавирустық індетпен күресуде кеңесін беріп, іс жүзінде жәрдем жасамақ.
Бұл COVID-19 пандемиясына қарсы бірлескен іс-шаралар ҚР Премьер-министрі Асқар Маминнің РФ Үкіметінің төрағасы Михаил Мишустинмен келісімі аясында қолға алынып отыр.
Ал Асқар Маминның өзі коронавируспен ауырып қалғаны бүгін жоққа шығарылды. Оның 10 шілде Мемлекет басшысының қатысуымен өтетін Үкіметтің кеңейтілген отырысына дайындалып жатқаны мәлімделді.
