Бүгінгі таңда елімізде «Жұмыспен қамтудың жол картасы» бағдарламасы жүзеге асып жатқаны белгілі. Нұр-Сұлтан қаласында бос жұмыс орындарын cz.astana.kz сайтынан қарауға болады деп хабарлайды QazPulse тілшісі.
Осы орайда, елордада, «Жұмыспен қамтудың жол картасы-2020» бағдарламасының 117 инфрақұрылымдық жобасы бойынша бірнеше апта ішінде 78 жұмыс берушіге 2 370 адам жұмысқа орналасқан.
«Сіз cz.astana.kz порталының «DKZ 2020» бөлімінде жобалардың тізімін қарап, өзіңізге сәйкес бос жұмыс орынын таңдай аласыз», – дейді қала әкімінің орынбасары Малика Бектұрова.
Сонымен қатар бұл қызметті офлайн режимде алу үшін «Smart Astana» мобильді қосымшасы арқылы жұмыспен қамту орталығына онлайн-кезекке тұру қажет. Әрі қарай маман бос жұмыс орындарының тізімін ұсынып, жұмыс іздеуші ретінде тіркейді және әңгімелесуге жолдама береді. Толық ақпаратты «Атамекен» ҰКП мобильді жұмыспен қамту орталықтарынан, мына мекен-жайлар бойынша алуға болады: Бөгенбай батыр даңғылы, 6/5; Алаш тас жолы 31/1; Гете көшесі, 1; Н. Тілендиев даңғылы 24; Абылайхан даңғылы, 31; Ш.Уәлиханов көшесі, 24; Қабанбай батыр даңғылы, 21; Шалкөде көшесі, 1.
Жалпы, ҚР Еңбек және халықты әлеуметтік қорғау министрлігінің 27 мамыр күнгі мәліметінше, 2020-2021 жылдарға арналған Жұмыспен қамтудың жол картасы аясында 4 786 жобаны жүзеге асыру басталып, олардың ауқымында 64,8 мың жұмыс орны құрылды.
