«ҚТЖ» ҰК» АҚ Басқарма төрағасы Сауат Мыңбаев арнайы шақыртқан неміс маманы Михаэль Кортюм «Жолаушылар тасымалы» компаниясы басшылығынан кетті деп хабарлайды QazPulse тілшісі.
Өткен маусым айының ортасында Қазақстандағы қызметімен қош айтысқан оның, Ұлттық компания таратқан ресми түсініктемеге сенсек, денсаулығы сыр берген. Содан жауапты жұмысын жалғастыра алмаған.
Компания тізігі отандық маман, Асылхан Қалқыкөзов деген азаматқа уақытша тапсырылып отыр.
Алайда, бір қызығы, «Deutsche Bahn» компаниясымен ұзақмерзімді серіктестік үзілмей, «Қазақстан темір жолы» компаниясы өзінің жалғыз акционері «Самұрық-Қазына» қорына тағы бір басқа германиялық басқарушыны қайта «Жолаушы тасымалы» АҚ бас директорлығына ұсынуда.
Бұған дейін, ақпарат көздерінде, Михаэль Кортюмнің айлығы 70 мың еуроны құрайды деген дерек жазылған еді.
Өткен жылдың қыркүйек айында міндетіне кіріскен неміс маманын «ҚТЖ» ҰК» АҚ басшысы Сауат Мыңбаев неміс теміржолына еңбегі сіңген жоғары білікті маман, отандық теміржолды дамытуда айқын көзқарасы бар деп мақтаған еді. Сонымен қатар, Германиядан тартылатын қызметкерлердің жалақысы жоғары болатынын мойындады.
Бірақ, шетелдік басшы келе сала Ресейден қымбат вагондар сатып алынып, билет бағасы 10%-ға көтерілді.
