16 маусым Баянауыл курорттық аймағы туристтер үшін жабылады деп хабарлайды QazPulse тілшісі.
Баянауыл ауданының бас санитарлық дәрігерінің қаулысына сәйкес, 16 маусымнан бастап Баянауыл өңіріндегі барлық демалыс аймақтарына блок-бекеттер қойылып, кіруге қатаң тыйым салынады.
«Бұл ең әуелі өзіміздің амандығымыз үшін өте маңызды. Келушілерді Жасыбай, Торайғыр, Сабындыкөл, Біржанкөл демалыс аймақтары әзірше қабылдамайды. Сол себепті қатынасты тоқтатып, вирустың таралмауына әрекет істейік. Әлдебір қиындықтар туғызса да, мұның уақытша екенін түсіну қажет», – деп мәлімдеді аудан әкімі Қанат Кәрімов.
Посмотреть эту публикацию в Instagram
Бұған дейін Баянауылдағы демалыс үйлерінің 60%-ы коронавирус пандемиясына байланысты туристерді қабылдауға дайын емес екені белгелі болды. Көбінде тепловизорлар мен санитайзерлер және дезинфекциялық құралдар орнатылмаған. Яғни, кәсіпкерлердің өзі демалушылардың қауіпсіздігі үшін ортақ жауапкершілікке көңіл бөлмеген.
Cол себепті, бақылау тобы Баянауыл курорттық аймағында демалыс үйлерін ашу мүмкін емес деген ұйғарым жасады.
