ҚР Парламенті Мәжілісінің депутаты, қоғам қайраткері Бекболат Тілеухан желідегі парақшасында коронавирус індетін жұқтырғанын жеткізіп, халықты сақтық шараларын ұстануға шақырды деп хабарлайды QazPulse тілшісі.
«Соңғы күндері көп азаматтар денсаулығыма алаңдаушылық білдіріп, хабарласып жатыр. Әлемдік пандемия салқыны маған да тиді. Коронавирусқа тапсырған тест оң нәтиже көрсетті», – дейді ол.
Мәжіліс депутаты алдымен үй жағдайында ем қабылдап бастағанын, қазір ауруханада дәрігерлердің толық бақылауында екенін, тиісті ем шараларын қабылдап жатқанын айтады. Оның сөзінше, дәрігерлер атаған COVID симптомдарын бастан өткеруде екен.
«Қазір вирустың таралу ықтималдығы артты. Сондықтан, азаматтарды сақтық шараларын қатаң сақтауға шақырамын. Төтенше жағдай режимі аяқталғанымен, карантин әлі бітпеді. Аман болайық!», – деп түйіндеді ойын Бекболат Тілеухан.
