Қырғызстанның экс-президенті Алмазбек Атамбаев 11 жыл 2 айға сотталып, дүние-мүлкі тәркіленді деп хабарлайды QazPulse тілшісі.
Ол қылмыстық әлем өкілі Азиз Батукаевті түрмеден заңсыз босатты деген айыппен жемқорлық дерегі бойынша кінәлі болып танылды.
Алмазбек Атамбаев Қойтас резиденциясында бекініп, оны шабуылдау кезінде арнайы жасақ сарбазы қайтыс болғаны белгілі. Содан кейін келіссөздер жүріп, өзі тұтқындауға берілді.
Бұған дейін жазғанымыздай, Қырғызстанның экс-үкімет басшысы Сапар Исаков мұражай мен ипподром құрылысы кезінде ақша жымқыруға қатысы бар деген айыппен 18 жылға сотталды.
