Нұр-Сұлтан қаласының кәсіпкерлері 118 млн сомасындағы бюджет қаражатын жымқырғандары үшін сотталды, деп хабарлайды QazPulse тілшісі.
Екі кәсіпкер қазақстандық«QazIndustry» индустрия және экспорт орталығының бюджеттік ақша қаражатын жымқырды деп айыпталған болатын. Қылмыстық іс Нұр-Сұлтан қаласының Есіл аудандық сотында қаралды.
«Айыпталушылар бақылауындағы кәсіпорындарға жалған тұлғаларды рәсімдеп, іс жүзінде негізгі қызметті өздері жүргізіп отырған. Жымқыру технологиялық процестерді жетілдіру бойынша техникалық жабдықтауға қызмет көрсетуге берген, шындыққа сай келмейтін 118 млн теңге сомасындағы шығынның өтеуін заңсыз алу арқылы жүзеге асырылған», – деп мәлімдеді Қаржы мониторингі комитетінен.
Негізінде бұл ақшаны мемлекет ең алдымен орта және шағын бизнесті қолдауға, сонымен қатар шығындарының бір бөлігін өтеуге арналған.
Сотүкімімен кәсіпкерлер ҚР ҚК 190-бабы «алаяқтық» бойынша кінәлі деп танылып, әрқайсысына 6 жылға бас бостандығынан айыру жазасы тағайындалды. Сонымен қатар, олар алдағы 5 жыл бюджет қаражатын алуға қатысты қызметпен айналыса алмайды.
Кәсіпкерлер «QazIndustry» пайдасына мүліктік залал есебінде 118 млн теңге, одан бөлек 1 770 000 теңгеден мемлекеттік бажөтеуге міндетті.
