3 маусым саябақтар мен гүлзарлар, жаттығу залдары, фитнес клубтары, алдын ала жазылу арқылы білім беру орталықтары мен үйірмелер жұмысын бастайды деп хабарлайды QazPulse тілшісі. Дегенмен әлі де той жасауға тыйым салынуда.
Сонымен қатар, 30 адамға дейін, көрерменсіз, оқыту-жаттығу өткізу үшін спорттық нысандар ашылмақ.
Дегенмен саябақтарда аттракциондар мен сауда нүктелері іске қосылмауы тиіс. Арақашықтық 1,5-2 метр болып, бір топта 3 адамнан аспау керек делінуде. Медициналық бетперде мен антисептик қолдану – міндетті шарт. Үстелдер арасы кем дегенде 2 метрден аз болмағаны жөн.
Бассейндерді ашу да қарастырылған. Бұл жердегі талап, суға түскен әр адамға 5 шаршы метр қашықтық қамтамасыз етілуі қажет.
«Өкінішке қарай, бүгінде, адам көп жиналатын кез-келген отбасылық шараға рұқсат етілмейді. Нысандарды бірінші кезеңде 30 адамға дейін, екінші аралықта 50 отыратын жерге дейін аштық. Алайда, ұжымдық шаралар өткерілмейді. Қазіргі эпидемиологиялық жағдай сондай», – дейді Бас санитарлық дәрігер Айжан Есмағамбетова.
Айтпақшы, Бас санитарлық дәрігер, қашықтықтан жұмыс істеуге кеңес беруде.
