Алматы облысының жедел уәкілдері кісі өлтіргені үшін бес жылдан астам уақыт тергеуден жасырынып жүрген қашқынды Қарағанды облысынан ұстады деп хабарлайды QazPulse тілшісі Polisia.kz сайтыне сілтеме жасап.
2015 жылдың наурыз айында Қараой ауылдық округінің ауруханасынан Балқаш полиция бөліміне 44 жастағы Қараой ауылы тұрғынының бірнеше дене жарақатымен жеткізілгені және оның өлімі туралы ақпарат келіп түскен.
Оның баспанасында ішімдік ішілгені анықталған. Тергеу барысында қайтыс болған адамның қонағы, 44 жастағы жергілікті тұрғын жауапкершіліктен қашып, жалған жауап береді.
Полиция қызметкерлері тексеру жұмыстарын жүргізгенше, ол күдікті ізін суытып үлгереді.
Сол жылдың 7 маусымында күдіктіге іздеу жарияланды. Бес жылдан астам уақыт бойы қашқын полициядан мұқият жасырынған.
Міне, 2020 жылдың 23 маусымында жедел ақпарат алып, Қарағанды облысына жеткен Алматы облысының полицейлері өңірде Ақтоғай ауданынан іздеуде жүрген адамды ұстады.
