Қазіргі уақытта Қазақстанның тұңғыш президенті оқшаулануда отыр. Себебі биыл 80 жасқа толатын Нұрсұлтан Назарбаев тапсырған соңғы тест қауіпті індеттің барын растаған деп хабарлайды QazPulse тілшісі.
«Алаңдауға негіз жоқ. Нұрсұлтан Назарбаев қашықтан жұмыс істеуді жалғастырып жатыр», делінген хабарламада.
Елбасыға тезірек сауығып кетуін тілеген ҚР Президенті Қасым-Жомарт Тоқаевтың өзі індеттен аман, күнделікті тапсырған тесті коронавирустың жоқтығын айқындаған және де жұмыс кестесіне сай онлайн кездесулер өткізуде.
Осы уақытқа дейін хабарланғандай, жоғары лауазым иелері арасынан вице-премьер Ералы Тоғжанов пен денсаулық сақтау министрі Елжан Біртанов коронавирус дертін жұқтырып, Премьер-министрден бастап, бірқатар министрлер оқшалаунуға көшті. Ал осы уақытқа дейін өзінен COVID-2019 диагнозы анықталғанын жазған Президенттің баспасөз хатшысы Берік Уәли, егде жастағы ата-анасының да коронавирус сырқатымен ауруханаға жатқызылғанын мәлімдеді.
