Пәкістанда денсаулық сақтау саласы сыр беріп, қан саудасының көрігі қызған заңсыз нарық пайда болды деп хабарлайды QazPulse тілшісі theguardian сайтына сілтеме жасап.
Дәрігерлер күнделікті қажет дәрі-дәрмектің жоқтығына шағымдануда. Ел астанасы Исламабад қаласында жұмыс істейтін олар жақсы болған науқастардың туысқандары оны қан тапсыруға көндіріп, делдалдардың көмегімен жеке зертханаға жүгінетініне куә болған. Содан 800 мың рупийге дейін (4,2 млн теңге) ақысы алынған соң, плазма басқа сырқаттарға саудаланбақ.
«Бізде науқастар жататын төсек-орын, жұмыс күші, бәрі сарқылуда. Жүйеден көңіліміз қалғандықтан тиімділігіміз де төмендеуде», – дейді дәрігерлердің бірі.
Ал тұрғындар қан плазмасы арқылы қауіпті дерттен құлан-таза айығып кететіндеріне үміттенуде. Тіпті отбасы болып «табиғи дәріні» іздейтіндер бар екен.
Қанның орташа құны 3000 фунт стерлингті, теңгеге шаққанда 1,5 миллион соманы құрауда.
Пәкістанда, қазіргі уақытта, COVID-19 жұқтырған 185 000 дерек расталған.
