Қытайлық ірі порталға жазған автор орыс әйелдерін алғысы келетін шетел азаматтары көп болғанымен, олардың сырт келбетіне алданбай, ішкі сырына тереңірек үңілу керек дегенді айтады деп хабарлайды QazPulse тілшісі РИА Новости сайтына сілтеме жасап.
Ол орыс сұлуларымен көңіл қосуды қытай еркектері де армандайтынын, дегенмен іс жүзінде екі жақтың некеге тұруы сирек кездесетінін жазады.
Қос тараптың өмір сүру салты, көзқарасы әртүрлі болып келіп, өзара тіл табысуларында қайшылықтар туындауы мүмкін.
«Мінездері ожар. Арақ ішіп, шер тарқатқанды жақсы көреді. Барлық дүниеге салақ қарайды, ден қойып кірісулері аз», – дейді қытайлық қалам иесі орыс халқының нәзік жандары жайлы.
Алайда журналист үйленген соң орыс қыздарының тез толып кететіні туралы қауесетті жоққа шығарып, өздерін күте біледі деп сендіреді.
Осылайша, қытайлық портал авторының пікірінше, жалпы қалыптасқан түсініктей отбасылық одақта ең бастысы сыртқы келбет емес, ерлі-зайыптының бір-бірін сыйлап, мәңгілікке қол ұстасып өтуі маңызды.
