Моңғолияның батысындағы Алтай өлкесінде 15 жастағы жасөспірім бубон обасын жұқтырғаннан кейін қайтыс болды. Бұл туралы Синьхуа агенттігі Моңғолияның Денсаулық сақтау министрлігіне сілтеме жасап хабарлады.
«Полимеразды тізбекті реакцияның нәтижесі (ПТР) баланың өліміне бубон обасы себеп болғанын көрсетті», – дейді министрлік өкілі Доржиин Нарангерел.
Жасөспірім ауруханаға барар жолда қайтыс болды. Ол оған дейін үш күн бұрын достарымен бірге көбінесе оба ауруының тасымалдаушысы болып табылатын суыр етін жегені анықталды. Марқұмның екі досы мен тағы 15 адамға ауруханаға карантинге жатқызылды.
