Қарағанды қаласында оқушылар мектеп бітіргендеріне қатты қуанса және бұл оқиғаны есте қаларлықтай өткізуді етуді шешсе керек, үлкен жылдамдықпен тура облыстық әкімдіктің қоршауына тұмсық тіреді деп хабарлайды QazPulse тілшісі 24.kz арнасына сілтеме жасап. Ғимарат ішінде облыс әкімі Жеңіс Қасымбектің болған-болмағаны белгісіз.
Болжам бойынша жүргізуші рульге ие бола алмай қалған және кәмелет жасқа толмаған. Осыған сәйкес жаза да белгілі – жүргізуші куәлігінсіз автокөлікті басқарғаны және жол-көлік апатын жасағаны үшін 160 мың теңге айыппұл салынуы мүмкін. Полиция мамандарының айтуынша, ол 18 жасқа тек осы жылдың 26 маусымы толады екен.
Сонымен қатар, мектеп түлегі, келтірілген шығынды өтеуі тиіс.
Биылғы 11-ші сыныпты тәмамдаған жөніндегі аттестатты тапсыру салтанаты, карантин себебінен, өзгеше кейіпте өтуде. Оқушылар арасында қашықтық сақталып, келетін қонақтар саны шектеулі, көңіл көтеру жағы да барынша шектелген. Осыған байланысты болар, қарағандылық оқушылардың серуені жоғарыдай аяқталды.
