Маңғыстау облысындағы «Қаражанбасмұнай» компаниясының жұмысшылары карантин салдарынан 10 күндік жұмыс тәртібінің бір айға созылып кетуіне наразылық танытты деп хабарлайды QazPulse тілшісі. Мұнайшылар отбасыларын көргісі, жақындарының амандығын білгісі келетіндіктерін қалайтындарын жеткізді.
Бұл ретте, компанияның баспасөз хабарламасында басшылық тараптың еңбек ұжымына өңірлік жедел штабтың ауысым (вахта) тәртібін ұзарту жайлы шешімін түсіндіргені айтылады. Кен орнында алдағы жазғы ыстық маусымда физикалық және моральдық жүктемені жеңілдету бойынша іс-шаралар жоспарлануда.
Оның ішінде «Қаражанбасмұнай» АҚ президенті Ли Тецян жұмысшылармен кездесіп, олардың талаптарына құлақ асты. Жиынға компанияның бірінші вице-президенті Сүйіндік Алдашев те қатысты. Бірден атап өтерлік жайт, Қазақстан мен Қытай бірлесе жетекшілік етудегі кәсіпорын басшылығы екі-үш жыл сайын қос жақ өкілдерінен кезектесіп ауысып отырады.
2020 жылдың 2 маусымынан бастап, Маңғыстау облыстың коронавирус індетімен күрес жедел штабының шешіміне сәйкес, Қаражанбас кен орнында кезекті вахталық ауысым басталмақ. Алайда вахталық жұмыстың ұзақтығы 30 күнге дейін сақталып қала бермек. Әрі қарай ауысым уақытын қысқарту жайы қарастырылмақ.
Маңғыстау облыстық әкімдігінің ресми сайтында болса, 1 маусымнан бастап карантин тәртібі жеңілдетілетіні жазылған.
