Шымкент қаласында 1 мамырдан бастап кәсіпкерлік нысанын ашқысы келетін азаматтардан өтініш қабылдануда деп хабарлайды QazPulse тілшісі жергілікті әкімдікке сілтеме жасай отырып. Бұл үшін кәсіпкерлер 30 сәуір күнгі сағат 14:00-ге дейін өтініш беруі керек.
Нұр-Сұлтан мен Алматы қалалары 27 сәуірден екінші кезеңге кіріссе, шымкенттік кәсіпорындар Төтенше жағдай кезінде жұмысын жандандырудың алғашқы сатысына дайындалуда. 1 мамыр күні бірқатар қызмет көрсету, сауда салалары мен қаржы ұйымдары қайта іске қосылатыны күтілуде. Жұмыс уақыты – 10.00-18.00 сағат аралығы.
Сонымен қатар, шымкенттіктер мамырдың 1-ші күнінен қала аумағындағы саяжайларына күн сайын сағат таңғы 6-00-ден кешкі 21:00-ге дейін бара алады. Бірақ азаматтардың атына тіркелген саяжай учаскесінің бар екенін растайтын құжаты болуы тиіс. Бұл ретте саяжайлар кіру блокпостарының ведомствосына кіретін аумақта болуы қажет.
«Егер саяжай қала аумағынан тыс болса, онда кіруге рұқсат берілмейді», – дейді қала әкімінің орынбасары Мақсұт Исахов.
