Сингапурда ел билігі дәрігерлерге сыйақы тағайындау үшін өз еркімен бірайлық жалақасын берді деп хабарлайды QazPulse тілшісі ақпарат көздеріне сүйене отырып.
Мұндай қадамға президенттен бастап премьер-министр және үкімет мүшелері, сондай-ақ Сингапурдың бірқатар басқа шенеуніктері барған. Олар осылайша дәрігерлер мен өзге де медицина қызметкерлерін көтермелеп, коронавирус індетімен күреске жігерлендіргісі келеді.
Үнемделген ақша қауіпті індетке тойтарыс жасауға жұмылған ауруханалар мен денсаулық сақтау мекемелеріне жұмсалады.
«Вирусқа қарсы тұрудың алдыңғы шебіндегілердің бәрі марапатталады», – дейді Сингапур премьер-министрінің орынбасары Хен Свит Кит.
Оның айтуынша, елдің барлық жоғарғы басшылығы бір айға еңбекақыдан қағылған.
Бұл елде ең көп жалақыны мемлекет басшысы емес, премьер-министр алатын болып шықты. Оның айлығы шамамен 125 мың долларды құрайды.
Қазақстанда, еске сала кетсек, ағымдағы шілде айындағы карантинге байланысты табыссыз қалғандарға біржолғы 42 500 теңге әлеуметтік жәрдемақысы төленеді.
