Қала тұрғындарының наразылығынан соң жазғы демалысты бассейн жағасында өткізуді жоспарлаған әкімдіктегілер ойларынан қайтып, барлығына кәсіпкерлерді кінәлап отыр деп хабарлайды QazPulse тілшісі.
Мәселенің мәнісіне келсек, Талдықорған әкімдігі жазғы бассейн қасына орнатылатын орындықтарға 1,5 млрд теңге жұмсамақ болған.
Барлығы – 165 орындық. Ал оның бір данасы – 500 мың теңге. Журналистердің жазуынша, осыған байланысты қала тұрғындары әлеуметтік желілерде өздерінің наразылықтарын білдірген.
Содан кейін қала билігі бұл райларынан қайтып, бюджетті қысқарту туралы шешім шығарыпты. Шенеуніктердің пікірінше, бұған мемлекеттік қызметкерлер емес, жобаның сұлбасын сызған кәсіпкерлер кінәлі екен.
«Қазіргі кезде жобалау компаниясының өзінің берген ұсынысы бойынша бағаларды тапсырыс беруші бар, әкімдікте отырған біз бар, жұмыс барысында қарастырамыз. Заң арқылы бағаны өзгерте аламыз, яғни орнатылатын орындықтарды талдаймыз», – дейді Талдықорған қаласының әкімі Сайлауғали Байназаров.
