Алматыда жанармай бекетінде дрифт жасаған үш жігіт жауапқа тартылды деп хабарлайды QazPulse тілшісі Polisia.kz сайтына сілтеме жасай отырып.
Тәртіп сақшылары әлеуметтік желілерді бақылау барысында жастар жиналып, көліктерінде дрифт жасағанын байқаған және бұл әрекетті заңсыз деп таныған. Сондай-ақ, полиция өкілдері, олар халықтың наразылығын тудырды деп санайды. Осылайша бейнематериал зерттеле келе, қатысушылар әкімшілік жауапкершілікке тартылған.
«Кейбір жастардың көлікі экстремалды жүргізуді қалайтыны түсінікті. Бұл әрекеттер ешқандай жағдайда ҚР заңдарына қайшы келмеуі керек. Сонымен қатар, әрекет арнайы бөлінген жерде емес, адамдар көп болатын жанармай бекетінің аумағында өтті. Жүргізуші өзінің көлігінің мықтылығымен және дрифтімен көпшіліктің назарын аударғысы келді. Алайда, құқықбұзушы бір нәрсе дұрыс болмай қалса, оның салдары қандай болатынын ескермейді. Мысалы, егер дрифт кезінде автокөлік адамдар тұрған бағытқа қарай қозғалып кетсе немесе көлік қозғалтқыштың қызып кетуіне байланысты өрт болып кетсе, оның үстіне жанармай бекетінде. Дөңгелектің астынан ұшқан таста біреудің көзіне түсуі мүмкін, ал бұл асфальт бетіне зақым келтіреді, осының өзі әкімшілік құқық бұзушылық болып саналады», – дейді Алматы қалалық жергілікті полиция қызметі басқармасының басшысы Манап Саттаров.
1997 жылы туған Ш., 1999 жылғы М. және 1997 жылғы Ч. есімді жас жігіттер ҚР Әкімшілік құқықбұзушылық туралы кодексінің 630-бабы 1- бөліміне (жолдарды, темiржол өтпелерiн және басқа жол құрылыстарын бүлдiру ) сәйкес жауапкершілікке тартылған. Тәртіп сақшылары жол ережесін қатаң сақтау туралы жастармен түсіндіру әңгімесі өткізіліп, тиісті аймақ ерекше бақылауға алғанын мәлімдеп отыр.
