Алматы облысының әкімдігі үйі жанып кеткен отбасының елеусіз қалмайтынына сендіріп отыр. Зардап шеккен жандар аяқтарына тік тұрып кеткенше өңір билігінің назарында болмақ деп хабарлайды QazPulse тілшісі.
Облыстық әкімдіктің баспасөз хатшысы Ғалымұрат Жүкел, Іле ауданы тұрғынының жанайқайына жергілікті әкімдік қызметкерлерінің салғырттық танытқанына өкініш білдірді.
«Көпшілігіңіз Ілеу ауданындағы ер азамат жайлы роликті көрген боларсыздар. Көпбалалы отбасының иесі аудандық әкімдікке келгенімен, өкінішке қарай әріптестеріміз тиісті шараларды қолға алмады. Осылайша, бүгін, әкімнің тапсырмасымен көпбалалы отбасыға уақытша баспана бөлінді. Сонымен қатар, тұрғын үйді демеушілер есебінен қалпына келтіру жоспарлануда», – деді ол желідегі парақшасында.
Бұған дейін уатсапп месенджерінде тарағандай, 5 баланың әкесі Юрий Артықбаев бейнежолдауында былай да құлайын деп тұрған үйіне тілсіз жау тиіп, далада қалғандарын, көмек сұрай барғанда әкімдіктің бір-біріне сілтеп «жығылғанға жұдырық болғанын» ашына жеткізді. Бұдан тыс, жабырқаулы азаматтың жанына әкімдіктегілердің мазақтай күлгені батқан.
Это слезы отчаяния… Нужно поддержать и помочь.
Опубликовано Гульнарой Аяпбергеновой Понедельник, 15 июня 2020 г.
⠀
⠀
