Жапония билігі Қытаймен бәсекелестік жолында артта қалудан қорқып, алтыншы буындағы ұялы байланыс жүйесін жасаушы компанияларға долларға шаққанда 652,4 млн болатын 70 млрд иен қаржы бөлуді жоспарлап отыр деп хабарлайды QazPulse тілшісі жергілікті ақпарат агенттігінің дерегіне сүйене отырып.
Тиісті технология 2030 жылға қарай енгізілмек.
Бұған дейін жапондық үкімет жанынан жаңа сипаттағы кешенді стратегияны әзірлеуді мақсат тұтқан сарапшылар кеңесі құрылған. Онда техникалық мамандар, жеке бизнес өкілдері және өзге де құзырлы органдар қызметкерлері кіреді.
Қазіргі уақытта Жапония 5G жүйесіне көшу үстінде болғанымен, бұл мәселеде АҚШ, Оңтүстік Корея және Қытай сынды елдерге қарағанда кешеуілдеуде. Осы орайда, күншығыс елі, неғұрлым жылдам әрі қорғалған 6G бойынша үздік көрінуге алдын ала қам жасауда.
